Die Kaapse Koorakademie is nie net nog ‘n musiek- of koorskool nie. Frases soos ‘Renaissance’, ‘nuwe manier van dink’ en ‘vars, sonder om die wiel weer uit te vind’ kom na vore wanneer die Kaap se enigste koorakademie beskryf word.

Ons hoofdoelwit is om ‘n koesterende omgewing te skep vir aspirantleiers met musiektalent, hoofsaaklik woonagtig in die Wes-Kaap wat holisties ontwikkel as mens. Ons poog daarin om ‘n breë en bedagsame perspektief van die lewe te kweek onder ons leerders. Ons doen dit deur middel van kognitiewe ontwikkeling en onkonvensionele akademiese uitnemendheid. Dit sluit mentorskap, fisieke en geestelike fiksheid, entrepreneurskap in, alles deur middel van ‘n verbintenis tot die hoogste standaarde in musiekopvoeding.

Ons bevorder ‘n skolastiese gemeenskap wat nie net intellektuele stimulering vier nie, maar ook ‘n lewendige verbintenis tot elke leerder se welstand as geheel. Deur  diverse agtergronde en kulture te omhels, beywer  ons ons om bewus te lewe, en moedig elke individu aan om hul unieke pad te stap en om ‘n meer vervulde lewe te leef.

Die CCA dien as ‘n voedingsbron, met die doel om nie net musikante te vorm nie, maar ook toekomstige leiers. Deur die ontwikkeling van kreatiewe vaardighede te bevorder, bemagtig ons individue om te ontwikkel tot bekwame probleemoplossers, toegerus om die kompleksiteite van ‘n ewig-veranderende wêreld te hanteer.

Die CCA vestig ‘n platform van onwrikbare uitnemendheid in alle fasette van die lewe, deur musiek as ‘n katalisator vir groei te gebruik. Ons werk binne ‘n nie-dogmatiese en geestelik verrykende omgewing. Die Koorakademie kweek ‘n kultuur van ywer wat blote prestasie te bowe gaan, wat individue bemagtig om hul volle potensiaal te verken en betekenisvol by te dra tot die wêreld rondom hulle.